Թուրքիայում ուսումնասիրում են Վրաստանում կործանված ինքնաթիռի խոցման վարկածը

Թուրք փորձագետները ուսումնասիրում են այն վարկածը, ըստ որի՝ Վրաստանում կործանված ռազմական ինքնաթիռը հնարավոր է խոցված լինի, հայտնել է Թուրքիայի իշխանական շրջանակներին մոտ կանգնած, Hürriyet թերթի կառավարամետ սյունակագիր Աբդուլքադիր Սելվին։

«Մեր ինքնաթիռը կործանվե՞լ է, թե՞ խոցվել։ Այս հարցով կատարվում է մանրակրկիտ քննություն։ Ուսումնասիրվում է ինչպես ինքնաթիռի վթարի, այնպես էլ նրա խոցման հավանականությունը», — գրել է Սելվին իր սյունակում։

Թուրքիայի պաշտպանության նախարարությունը ավելի վաղ հայտնել էր, որ Lockheed C-130 Hercules ռազմատրանսպորտային ինքնաթիռը երեքշաբթի օրը կործանվել է Վրաստանի տարածքում, ինչի հետևանքով զոհվել է 20 զինծառայող։

Թուրքիայի նախագահի վարչակազմը հայտարարել է, որ կործանման պատճառների քննությունը կանցկացվի առավելագույն մանրակրկիտությամբ։