Թուրքիայում զինված հարձակում է տեղի ունեցել հեռուստաալիքի շենքի վրա

Ստամբուլի Այազագա թաղամասում գտնվող թուրքական BeIN Sports հեռուստաալիքի շենքի վրա զինված հարձակում է տեղի ունեցել, հաղորդում են թուրքական լրատվամիջոցները։

Զինված տղամարդը պնդել է, որ հեռուստաալիքի մեկնաբաններից մեկը վիրավորել է իր կնոջը, որն այնտեղ աշխատում է որպես անվտանգության աշխատակից։ Նա պահանջել է, որ մեկնաբանը ներողություն խնդրի։

Մոտ 30 րոպե տևած բանակցություններից հետո զինված տղամարդը դուրս է բերվել շենքից և տարվել ոստիկանական բաժանմունք։