Բանգկոկում ճանապարհին 50 մետր խորությամբ փոս է առաջացել

Թայլանդի մայրաքաղաք Բանգկոկում ճանապարհի մի հատված այսօր փլուզվել է՝ առաջացնելով մոտավորապես 30 մետր լայնությամբ և 50 մետր խորությամբ փոս։ «Bangkok Post»-ը հաղորդում է, որ տուժածներ չկան։
«Սամսեն ճանապարհի Վաջիրա հիվանդանոցի դիմաց գտնվող մի հատված չորեքշաբթի առավոտյան փլուզվել է, ստեղծելով մոտավորապես 50 մետր խորությամբ, 30 մետր լայնությամբ և 30 մետր երկարությամբ մեծ փոս։ Այն առաջացել է անմիջապես մետրոյի կայարանի վերևում։ Վիրավորների մասին հաղորդագրություններ չկան», - գրում է թերթը։
Ըստ տեղեկությունների՝ միջադեպը տեղի է ունեցել տեղական ժամանակով ժամը 7:13-ի սահմաններում (Երևանի ժամանակով ժամը 4:13-ին)։ Հիվանդանոցի գործունեությունը դադարեցվել է երկու օրով, և մոտ 3500 հիվանդ տարհանվել է։ Մոտակա բնակարանների բնակիչներին նույնպես հրահանգվել է տարհանվել իրենց տներից։
Տարածքը փակվել էր մետրոյի նոր կայարանների կառուցման նպատակով։ Տեղական իշխանությունները հայտնում են, որ հողը լցվել է թունել, ինչի հետևանքով մոտակա կառույցները փլուզվել են, իսկ մեծ ջրատարը պայթել է։