Իսրայելի ռազմաօդային ուժերը հարձակվել են Եմենի նավահանգստի վրա

Իսրայելի ռազմաօդային ուժերը ռմբակոծում են Եմենի արևմուտքում գտնվող Հոդեյդա նավահանգիստը, «ՌԻԱ Նովոստի»-ին հայտնել է տեղական իշխանությունների աղբյուրը։

Հինգ հզոր պայթյուն է որոտացել։

Իր հերթին, Եմենի հութիները հայտարարել են, որ իրենց ՀՕՊ ուժերը հետ են մղում Իսրայելի ռազմաօդային ուժերի հարձակումը։

Ավելի վաղ Իսրայելի պաշտպանության բանակի խոսնակ Ավիխայ Էդրին կոչ էր արել անհապաղ տարհանում կազմակերպել Եմենի Հոդեյդա նավահանգստից, որը վերահսկվում է «Անսար Ալլահ» ապստամբ շարժման հութիների կողմից։
Իսրայելի շարունակական հարվածների հետևանքով տասնյակ խաղաղ բնակիչներ են զոհվել Եմենում։