Մայրն ու անչափահաս երեխաները ջերմային այրվածքներով տեղափոխվել են հիվանդանոց

Այսօր՝ սեպտեմբերի 5-ին, արտակարգ դեպք է տեղի ունեցել Լոռու մարզում։ Ժամը 17:30-ի սահմաններում ջերմային այրվածքներով՝ «1-ին աստիճանի, վերին վերջույթների շրջանում» ախտորոշմամբ, Վանաձորի բժշկական կենտրոն է տեղափոխվել 3 քաղաքացի։ Ինչպես հայտնում է Գագիկ Շամշյանը, ոստիկանները պարզել են, որ նշված անձինք Վահագնի գյուղից են, և այրվածքները ստացել են կենցաղային գազաբալոնի փականի պայթյունի կամ անսարքության հետևանքով։ Նրանք են՝ 33-ամյա Նարինե Ա-ն և նրա 12-ամյա աղջիկն ու 2,5-ամյա տղան։ Նրանց կյանքին վտանգ չի սպառնում։