Dolce Vento շքեղ զբոսանավը խորտակվել է Թուրքիայում ծով իջեցվելուց անմիջապես հետո

Թուրքիայում շքեղ Dolce Vento զբոսանավը խորտակվել է մեկնելուց անմիջապես հետո։ Դեպքի կադրերը հրապարակվել են բրիտանական The Sun-ի կողմից։

Դեպքը տեղի է ունեցել Թուրքիայի հարավում գտնվող Զոնգուլդակի ափերի մոտ։ Նավարկությունն առաջինն էր, և հավանաբար՝ վերջինը, զբոսանավի կառուցումից ի վեր։ Խորտակված նավի արժեքը կազմել է 70 հազար ֆունտ (մոտավորապես 36 միլիոն դրամ)։

Համացանցում հայտնված կադրերից դատելով՝ մեկնումից մի քանի րոպե անց զբոսանավը սկսել է թեքվել դեպի կողք և կողաշրջվել է։ Մարդիկ սկսել են ջուրը ցատկել՝ փրկվելու համար։ Զոհերի մասին տեղեկություններ չկան։ Տեղական իշխանությունները հայտարարել են, որ միջադեպի հետաքննություն կանցկացվի, որի ընթացքում կպարզվեն նավաբեկության պատճառները։