Զինծառայողի հրազենային վնասվածք ստանալու դեպքով հարուցվել է քրվարույթ սիմուլյացիայով ծառայությունից խուսափելու հոդվածով

Օգոստոսի 25–ին, ՊՆ զորամասերից մեկում տեղի ունեցած դեպքի առթիվ նախաձեռնվել է քրեական վարույթ՝ Քրեական օրենսգրքի 527-րդ հոդվածի 1-ին մասով (առողջությանը վնաս պատճառելու (անդամախեղելու), հիվանդության սիմուլյացիայի կամ ապօրինի այլ եղանակով զինվորական ծառայությունից խուսափելը կամ դրա առանձին պարտականությունների կատարումը դադարեցնելը)։ Այս մասին «Նյուզ»-ին հայտնել են ՀՀ Քննչական կոմիտեից։

Ավելի վաղ հայտնել էինք, որ օգոստոսի 25-ին, արտակարգ դեպք է տեղի ունեցել Գեղարքունիքի մարզում. ՊՆ ռազմական ոստիկանության Գեղարքունիքի ռազամական ոստիկանությունում օպերատիվ տեղեկություններ են ստացվել, որ ՀՀ ՊՆ զորամասերից մեկի դիրքերում կրակոց է հնչել և կա վիրավոր, որը տեղափոխվել է Երևանի «Մուրացան» զինվորական հոսպիտալ։ Հիվանդանոց տեղափոխված զինվորը Արարատի մարզի բնակիչ է։

Զինծառայողը ենթարկվել է վիրահատական շտապ միջամտության, տեղափոխվել Կենտրոնական կլինիկական զինվորական հոսպիտալ։