«Արսեն Թորոսյանին դաշնակցականների հայրենանվեր գործունեությունը հանգիստ չի տալիս»․ Մհեր Մելքոնյան

ԱԺ «Հայաստան» խմբակցության պատագամավոր Մհեր Մելքոնյանի ֆեյսբուքյան գրառումը․ «Քաղաքացիական պայմանագրում Արսեն Թորոսյան անունով մի պատգամավոր կա, ում, ինչպես հասկանում ենք դաշնակցականների հայրենանվեր գործունեությունը հանգիստ չի տալիս։
Դաշնակցությանը «տեռորիստ» անվանելը նման է նրան, երբ պատմությունից և իրականությունից կտրված, իշխանությամբ գլխապտույտ ստացած մարդիկ փորձում են իրենց մանկական նեղացվածությունը ծածկել պարզունակ պիտակներով։
Դուք չկարողացաք առողջապահության նախարարությունը ղեկավարել առանց խուճապ ու քաոս ստեղծելու, իսկ հիմա փորձում եք գնահատական տալ մի քաղաքական ուժի, որն առնվազն պետականություն է կերտել ու պաշտպանել արյան գնով։
Ձեր լեզվակռիվը ոչ թե քաղաքական դիրքորոշում է, այլ պարտվողի նյարդայնություն։
Հետաքրքիր է՝ եթե դաշնակցականները «տեռորիստ» են, ապա ձեր անգործության պատճառով մեր հազարավոր հայրենակիցների մահն ի՞նչ անուն ունի»։