«ԱՄՆ-ն այս շաբաթ Ռուսաստանի հետ շփումներ է ունեցել Ուկրաինայի հարցով». Ռուբիո

ԱՄՆ-ն շարունակում է շփվել Ռուսաստանի հետ, այս շաբաթ երկու կողմերի միջև շփումներ են տեղի ունեցել՝ Ուկրաինայում կարգավորման շուրջ փոխըմբռնման հասնելու նպատակով, Fox Radio-ին տված հարցազրույցում ասել է պետքարտուղար Մարկո Ռուբիոն։

«Մենք նաև լիարժեք զրույց ենք ունեցել նրանց հետ՝ ոչ թե Պուտինի, այլ նրա որոշ բարձրաստիճան անձանց հետ՝ հույս ունենալով որոշակի փոխըմբռնման գալ խաղաղության տանող առաջխաղացման ուղու վերաբերյալ։ Սակայն մինչ այժմ մենք որևէ առաջընթաց չենք տեսել այդ ուղղությամբ», - եզրափակել է Ռուբիոն։

ԱՄՆ-ի նախագահ Դոնալդ Թրամփը նախկինում հայտարարել էր, որ Ռուսաստանին և Ուկրաինային կտա 50 օր համաձայնության հասնելու համար, որից հետո մտադիր է 100 տոկոս առևտրային մաքսատուրքեր սահմանել Մոսկվայի և նրա առևտրային գործընկերների վրա։