«Անձը, 44-օրյա պատերազմի հետևանքներն օգտագործելով, մի խումբ անձանց ենթարկել է առցանց թրաֆիքինգի». Տիգրան Կիրակոսյան

ՔԿ հատկապես կարևոր գործերի քննության գլխավոր վարչության մարդկանց թրաֆիքինգի, անչափահասների սեռական անձեռնմխելիության դեմ ուղղված և թմրամիջոցների ապօրինի շրջանառության հանցագործությունների քննության վարչության պետի տեղակալ Տիգրան Կիրակոսյանն այսօրվա ասուլիսի ժամանակ խոսել է առցանց տիրույթում կատարված շահագործման դեպքի մասին. «Գործը քննվել է 2021-ին, իսկ դրան նախորդել է 44-օրյա պատերազմը: Անձը, օգտագործելով դրա հետևանքները, մի խումբ անձանց ենթարկել է առցանց թրաֆիքինգի ու դատապարտվել 8 տարվա ազատազրկման: Սոցցանցերում անձը կապ է հաստատում զոհերի հետ, պահանջում կիսամերկ կամ մերկ լուսանկարներ, տեսագրություններ, չտրամադրելու դեպքում՝ սպառնում: Ու էդ եղանակով ստանում է պահանջածը: Դա ևս համարվում է թրաֆիքինգ»,- նշել է պաշտոնյան: