Վթար` Ախուրյան գյուղում. կա զոհ

Այսօր՝ հուլիսի 29-ին, ողբերգական ավտովթար է տեղի ունեցել Շիրակի մարզում։ Ժամը 18։30-ի սահմաններում Ախուրյան գյուղում բախվել են Շիրակի մարզի բնակիչներ 34-ամյա Գոռ Ա-ի վարած «Mercedes» մակնիշի և 68-ամյա Գևորգ Մ-ի վարած «Opel Astra» մակնիշի ավտոմեքենաները։ Ինչպես հայտնում է ֆոտոլրագրող Գագիկ Շամշյանը, վթարի հետևանքով «Opel Astra»-ի վարորդ Գևորգ Մ-ն մարմնական վնասվածքներով տեղափոխվել է «Գյումրի» բժշկական կենտրոն, որտեղ, գիտակցության չգալով, մահացել է։