Իրանում ավտոբուսի վթարի հետևանքով ութ մարդ է զոհվել

Իրանի հարավային Ֆարս նահանգում ավտոբուսի շրջվելու հետևանքով 8 մարդ զոհվել է, 15-ը՝ վիրավորվել, IRNA-ի փոխանցմամբ, այս մասին հայտնել է շտապօգնության ծառայության ղեկավար Մասուդ Աբեդը։ Միջադեպի վերաբերյալ այլ մանրամասներ չեն հաղորդվում։ Նշվում է, որ բուժհաստատություններում սահմանվել է պատրաստվածության բարձր ռեժիմ։