«Լինելու է մեկ հանրապետական շտապօգնություն». Անահիտ Ավանեսյան

«Լինելու է մեկ հանրապետական շտապօգնություն՝ Երևան և մարզեր: Կանչի տրամաբանությունն էլ լինելու է մոտակա բրիգադի տրամաբանությամբ՝ առանց կցագրելով վարչական տարածքների»,- ԱԺ-ում բյուջետային քննարկումների ժամանակ ասաց ՀՀ Առողջապահության նախարար Անահիտ Ավանեսյանը: Նա ընդգծեց, որ հյուսիսային մարզերն արդեն իսկ այս տրամաբանությամբ են աշխատում, այսինքն՝ անկախ նրանից, թե, օրինակ, անձը Թալինից կամ Աշտարակից է զանգում, նրան սպասարկում է Գյումրիում գտնվող դիսպետչերական կետը և արդեն մոտակա բրիգադի տրամաբանությամբ կանչը սպասարկում է: «Նախագիծը՝ Երևանի հատվածի միացման, շուտով կշրջանառենք: Պլանավորում ենք, որ մինչև 2025-ի ավարտը այդ բոլոր աշխատանքները պետք է ավարտենք»,- հավելեց Ավանեսյանը: