«Կաթողիկոսին հեռացնելու հարցը քննարկվե՞լ է ՔՊ նիստում»․ լրագրողը՝ Արայիկ Հարությունյանին

«Մենք անդրադարձել ենք ներքաղաքական բոլոր հարցերին»,- ՔՊ վարչության հերթական նիստից հետո լրագրողների հետ զրույցում այս մասին նշեց վարչապետի աշխատակազմի ղեկավար Արայիկ Հարությունյանը։ Անդրադառնալով հարցին՝ արդյո՞ք կաթողիկոսին հեռացնելու հարցը ևս ներքաղաքական են համարում և քննարկե՞լ են այդ մասին Նիկոլ Փաշինյանի ներկայացրած ծրագիրը, Հարությունյանը պատասխանեց․ «Մասամբ այո, քննարկել ենք․․․ Ենթարդում եմ, որ առաջիկա օրերին հաղորդագրություն կլինի այն մասին, թե այդ գործընթացն ինչ ընթացք է ունենալու»։

Անդրադառնալով դիտարկմանն այն մասին, թե այս գործընթացն ընդդիմադիրների կողմից ընկալվում է որպես քաղաքացիական պատերազմ հրահրելու փորձ, Հարությունյանն ընդգծեց․ «Գլուխները պատին են տալիս, երբ որ խոսում են քաքաղացիական պատերազմ հրահրելու մասին։ Նրանք 2020 թվականի պատերազմից հետո անընդհատ ուզել են քաղաքացիական պատերազմ հրահրել, իրենց փորձերը ձախողվել են, քաղաքական ուժեղ ապտակներ են ստացոել և նստել իրենց տեղը։ ՀՀ-ում չի կարող լինել քաղաքացիական պատերազմ»։