Մեծ Բրիտանիան արգելել է Իսրայելի նախարարների մուտքը երկիր

Մեծ Բրիտանիան սահմանափակումներ է սահմանել Իսրայելի ֆինանսների նախարար Բեզալել Սմոտրիչի և ազգային անվտանգության նախարար Իտամար Բեն-Գվիրի նկատմամբ։

Այս մասին է վկայում Մեծ Բրիտանիայի կառավարության կայքում թարմացված սև ցուցակը։

Սահմանափակող միջոցառումները ներառում են Միացյալ Թագավորություն մուտք գործելու արգելք և նրանց հաշիվների սառեցում։

Լոնդոնի խոսքով՝ Սմոտրիչը և Բեն-Գվիրը «պատասխանատու են այնպիսի գործողությունների մասնակցելու, դրանք հրահրելու, խթանելու և/կամ աջակցելու համար, որոնք պարունակում են դաժան, անմարդկային կամ նվաստացուցիչ վերաբերմունքից կամ պատժից զերծ լինելու՝ մարդու իրավունքի լուրջ խախտում, այդ թվում՝ Հորդանան գետի Արևմտյան ափին պաղեստինցիների նկատմամբ կատարված ագրեսիայի և բռնության ակտերի համար»։