«Պակիստանն Ադրբեջանին կմատակարարի 40 JF-17 Thunder կործանիչ. Իրանն էլ մտածելու բան ունի». Նարեկ Ներսիսյան

Դե ինչ հաստատվեց, ու այս պայմանագիրը կնքելուց հետո տարածաշրջանում ռազմական իրական բալանս է փոխվում և Իրանն էլ մտածելու բան ունի։
Պակիստանը Ադրբեջանին կմատակարարի 40 JF-17 Thunder կործանիչ՝ 4,6 միլիարդ դոլար արժողությամբ մեգա-պայմանագրով:
Հունիսի 6-ին Պակիստանն Ադրբեջանի հետ ստորագրել է 40 բազմաֆունկցիոնալ մարտավարական JF-17 Thunder (Block III) կործանիչների մատակարարման վերաբերյալ պայմանագիր, որին ուղեկցում է 2 միլիարդ դոլարի ներդրումային փաթեթ։
Կործանիչը համալրված է AESA ռադարով, էլեկտրոնային պատերազմի համալիրով, դիմապակու վրա տեղադրված հոլոգրաֆիկ ցուցիչով, սաղավարտին ամրացված թիրախավորման համակարգով և ունակ է կիրառելու կառավարվող հրթիռային սպառազինություն՝ PL-15 միջին հեռահարության «օդ-օդ» դասի հրթիռներ, կառավարվող ավիացիոն ռումբեր և մեծ հեռահարության թևավոր հրթիռներ։ Հարթակը հարմարեցված է ցանցակենտրոն պայմաններում մարտական գործողություններ վարելու համար։
Պայմանագիրը նախատեսում է տեխնիկայի մատակարարում Ադրբեջանի ռազմաօդային ուժերի համար, թռիչքային և տեխնիկական անձնակազմի պատրաստում, ինչպես նաև ավիացիոն տեխնիկայի վերանորոգման և արդիականացման հնարավոր տեղայնացում։
Հիշեցնեմ, որ սրանք բավականին արդյունավետ են գործել հնդկական ավիացիայի դեմ, այդ թվում՝ ֆրասիական արտադրության»։