Իլոն Մասկի հայրը որդու և Թրամփի վեճը սխալ է համարել

Գործարար և թանկարժեք քարերի առևտրով զբաղվող, ամերիկացի ձեռնարկատեր Իլոն Մասկի հայրը՝ Էրոլը, ժամանել է Մոսկվա։
Նշվում է, որ ամերիկացի միլիարդատիրոջ հայրը ժամանել է Ռուսաստան՝ մասնակցելու «Ապագայի 2050 ֆորումին»։ Միջոցառումը տեղի կունենա հունիսի 9-ից 10-ը Մոսկվայում։

Մասկը սխալ է թույլ տվել՝ մտնելով հակամարտության մեջ ԱՄՆ նախագահ Դոնալդ Թրամփի հետ, նա շատ հոգնած և սթրեսային է, ասել է Էրոլ Մասկը՝ մեկնաբանելով նախագահի և որդու միջև վեճը։ Ձեռնարկատիրոջ հայրը նաև հավելել է, որ Մասկը հավատարիմ է իր սկզբունքներին և չի ցանկանում աջակցել դեմոկրատների անարդյունավետ նախաձեռնություններին։
Թրամփի և Մասկի միջև հրապարակային վեճ է տեղի ունեցել քաղաքացիների համար հարկային արտոնությունների մասին օրինագծի շուրջ։ Ձեռնարկատերը լքել է ԱՄՆ կառավարության արդյունավետության դեպարտամենտի (DOGE) ղեկավարի պաշտոնը, որից հետո քննադատել է Թրամփի՝ հարկերի վերաբերյալ որոշումը։