«Իրանի հետախուզությունն Իսրայելում բազմաթիվ գաղտնի փաստաթղթեր է առգրավել». #Tasnim

Իրանի տեղեկատվության նախարարությունը (հետախուզություն) հայտարարել է, որ ստացել է Իսրայելի միջուկային ոլորտի վերաբերյալ մեծ քանակով գաղտնի փաստաթղթեր։ Այս մասին հաղորդում է պետական ​​«Tasnim» լրատվական գործակալությունը՝ հղում անելով նախարարության աղբյուրին։

«Իրանի հետախուզական ծառայություններն օկուպացված տարածքներից հանել են Իսրայելի ռեժիմի միջուկային օբյեկտների վերաբերյալ հսկայական քանակությամբ փաստաթղթեր և գաղտնի տվյալներ», - ասվում է հաղորդագրության մեջ։
Նշվում է, որ առգրավման գործողությունը տեղի է ունեցել վերջերս, սակայն դրա մասին չի հաղորդվել՝ ուսումնասիրման և անվտանգ վայր տեղափոխման կարիք ունեցող փաստաթղթերի մեծ քանակի պատճառով։

Փաստաթղթերի բովանդակության կամ դրանց հավանական ձեռքբերման եղանակի մասին մանրամասներ չեն տրամադրվել։