«Մինչև 2030 թվականը Վրաստանը պատրաստ կլինի ԵՄ անդամակցությանը»․ Կոբախիձե

Վրաստանի վարչապետ Իրաքլի Կոբախիձեն վստահություն է հայտնել, որ մինչև 2030 թվականը երկիրը պատրաստ կլինի ԵՄ անդամակցությանը։

«Մեր նպատակն արտացոլված է Վրաստանի Սահմանադրությունում՝ մինչև 2030 թվականը դառնալ Եվրոմիության անդամ, ինչը միանգամայն հնարավոր է, եթե ապահովվի արդար մոտեցում։ 2030 թվականին Վրաստանը մյուս երկրներից ավելի պատրաստ կլինի ԵՄ-ին միանալուն։ Եթե լինի արդար մոտեցում, դա անպայման տեղի կունենա։ Մենք հույս ունենք, որ ԵՄ-ում մոտեցումները կբարելավվեն», – լրագրողների հետ զրույցում նշել է վարչապետը՝ հավելելով, որ այս փուլում վրացական կողմը իշխող «Վրացական երազանք» կուսակցության, իբր, «հակաեվրոպական» գործողությունների վերաբերյալ արևմտյան գործընկերների կոպիտ և անհիմն հայտարարություններն է լսում միայն։

2024 թվականի նոյեմբերի 28-ին Կոբախիձեն հայտարարել էր մինչև 2028 թվականը երկրի՝ Եվրամիությանն անդամակցության վերաբերյալ բանակցությունների մեկնարկի հարցի քննարկումը կասեցնելու որոշման մասին։ Այդ ժամանակից ի վեր Վրաստանում բողոքի ցույցեր են անցկացվում՝ պահանջելով նոր խորհրդարանական ընտրություններ։