Սիրիայի նախագահը 60 տարվա ընթացքում առաջին անգամ ելույթ կունենա ՄԱԿ-ում

Սիրիայի ժամանակավոր նախագահ Ահմեդ ալ-Շարաան սեպտեմբերին կայցելի Միացյալ Նահանգներ, հաղորդում է Syria TV-ն՝ հղում անելով աղբյուրներին։

«Բացառիկ աղբյուրները Syria TV-ին հայտնել են, որ Սիրիայի նախագահ Ահմեդ ալ-Շարաան սեպտեմբերին կայցելի Միացյալ Նահանգներ և ելույթ կունենա ՄԱԿ-ում կայացած հանդիպման ժամանակ»,- ասվում է հեռուստաալիքի կայքում։

Ինչպես նշում է հեռուստաալիքը, սա կլինի Սիրիայի նախագահի առաջին ելույթը ՄԱԿ-ում 60 տարվա ընթացքում։

Ապրիլին Սիրիայի արտաքին գործերի նախարար Ասադ ալ-Շաիբանին բարձրացրեց իր երկրի նոր դրոշը Նյու Յորքում գտնվող ՄԱԿ-ի կենտրոնակայանում։ Նա այս պահն անվանեց «պատմական»։ Դիվանագետի խոսքով՝ սիրիացիները այս քայլին սպասել են 14 տարի։