«Ուկրաինան հրավեր է ստացել մասնակցելու ՆԱՏՕ-ի գագաթնաժողովին»․ Զելենսկի

Ուկրաինան հրավեր է ստացել մասնակցելու ՆԱՏՕ-ի գագաթնաժողովին, որը տեղի կունենա հունիսի 24-25-ը Հաագայում։ Այս մասին Telegram ալիքում հայտնել է Ուկրաինայի նախագահ Վլադիմիր Զելենսկին:

«Մեզ հրավիրել են ՆԱՏՕ-ի գագաթնաժողովին։ Ես սա կարևոր եմ համարում։ Այժմ արտաքին գործերի նախարար Անդրեյ Սիբիհան իր գործընկերների հետ կքննարկի մասնակցության մանրամասները և հանդիպման հնարավոր արդյունքները»,- ասել է Զելենսկին։

Նախատեսվում է, որ Հաագայում կայանալիք ՆԱՏՕ-ի գագաթնաժողովին կմասնակցեն մոտ 45 պետությունների և կառավարությունների ղեկավարներ, արտաքին գործերի և պաշտպանության նախարարներ։