Ղազախստանը չի պլանավորում միանալ BRICS-ին

Ղազախստանը չի պլանավորում միանալ BRICS-ին, «Ալ Ջազիրա»-ին տված հարցազրույցում ասել է հանրապետության նախագահ Կասիմ-Ժոմարտ Տոկաևը։
Նրա խոսքով՝ ինքը առաջնորդվում է «պրագմատիկ» նկատառումներով և կազմակերպության գործընկերոջ կարգավիճակը բավարար է համարում։

Տոկաևը նշել է, որ հարցը վերաբերում է լիիրավ անդամակցության օգտակարությանը և ուշադրություն է հրավիրել այն փաստի վրա, որ BRICS-ը «չունի կանոնադրություն, քարտուղարություն, ծրագրեր»։

«Տեսնենք, թե որքանով արդյունավետ կլինի BRICS-ը՝ որպես միջազգային կազմակերպություն։ Առայժմ Ղազախստանը կմնա դիտորդի կարգավիճակում, իսկ հետո ժամանակը ցույց կտա»,- եզրափակել է նա։

Ղազախստանը BRICS-ի գործընկեր է դարձել 2025 թվականի հունվարի 1-ին։ Կազմակերպությունն ինքնին ստեղծվել է 2006 թվականին և այժմ ներառում է Ռուսաստանը, Բրազիլիան, Հնդկաստանը, Չինաստանը, Հարավային Աֆրիկան, Արաբական Միացյալ Էմիրությունները, Իրանը, Եգիպտոսը, Եթովպիան և Ինդոնեզիան։ Փետրվարից BRICS-ը դադարեցրել է նոր անդամների ընդունումը՝ դա բացատրելով մասնակիցների թվի աճի հետ կապված առաջացած «ինստիտուցիոնալ խնդիրներով»։