«Իսլամական պետություն»-ն ստանձնել է Սիրիայում տեղի ունեցած ահաբեկչությունների պատասխանատվությունը

«Իսլամական պետություն» խմբավորումն ստանձնել է Սիրիայի հարավում կառավարական ուժերի վրա հարձակման պատասխանատվությունը, հաղորդում է Associated Press (AP)-ը։
Ահաբեկչական խմբավորումը հայտարարել է, որ հարձակումներից մեկի ժամանակ ռումբ է պայթել, որի հետևանքով զոհվել կամ վիրավորվել են 7 զինվորներ։ Հարձակումը տեղի է ունեցել «անցյալ հինգշաբթի», մայիսի 22-ին, Սուվեյդա հարավային նահանգի անապատում։

Առանձին հայտարարության մեջ խմբավորումը հայտնել է, որ մոտակա տարածքում տեղի է ունեցել մեկ այլ պայթյուն, որի հետևանքով զոհվել են ԱՄՆ-ի կողմից աջակցվող «Ազատ Սիրիայի բանակի» անդամներ։ Արդյունքում 1 մարտիկ զոհվել է, իսկ 3-ը՝ վիրավորվել։

Մեծ Բրիտանիայում գտնվող Մարդու իրավունքների սիրիական դիտորդական կենտրոնը տեղի ունեցածն անվանել է սիրիական զորքերի վրա առաջին նմանատիպ հարձակումը, որի պատասխանատվությունը ստանձնել է «Իսլամական պետություն»-ը 2024 թվականի դեկտեմբերին Բաշար ալ-Ասադի իշխանության անկումից ի վեր։