«Սյունիքի մարզի շուրջ լարվածությունը պահպանվում է»․ Բելոուսով

ՀՀ Սյունիքի մարզի շուրջ լարվածությունը պահպանվում է։ Այս մասին հայտարարել է Ռուսաստանի պաշտպանության նախարար Անդրեյ Բելոուսովը՝ ՀԱՊԿ երկրների պաշտպանության նախարարների խորհրդի նիստում։ «Հարավային Կովկասում ակտիվացել են արտատարածաշրջանային երկրները։ Նման ակտիվացման նպատակը ոչ թե անվտանգության ամրապնդումն է, այլ նրանց ազդեցության ընդլայնումը»,- հայտարարել է նա։

«Մտահոգության մեկ այլ պատճառ են հայ-ադրբեջանական չկարգավորված հարաբերությունները։ Մոսկվան, իր հերթին, հետաքրքրված է և պատրաստ է ամեն կերպ նպաստել Երևանի և Բաքվի կողմից խաղաղության պայմանագրի ստորագրմանը»,- եզրափակել է Բելոուսովը։