«Կիևը պատրաստ է հայելային արձագանքել ՌԴ-ի սպառնալիքներին»․ Զելենսկի

Կիևը պատրաստ է արձագանքել ռուսական հարվածներին, հայտարարել է Ուկրաինայի նախագահ Վլադիմիր Զելենսկին Telegram ալիքում։

«Ռուսաստանը պետք է զգա Ուկրաինայի դեմ իր արածների հետևանքները և նա կզգա․ հարձակողական ԱԹՍ-ները, որսող սարքերը, թևավոր հրթիռները, ուկրաինական բալիստիկան կլինեն առացքային տարրերը»,- ասել է Զելենսկին։

Նրա խոսքով՝ Ուկրաինան մտադիր է «հայելային արձագանքել ռուսական բոլոր սպառնալիքներին և մարտահրավերներին»։

Վերջին օրերին ՌԴ տարածքում ուկրաինական ԱԹՍ-ների հարձակումների ինտենսիվությունը կտրուկ աճել է։ Անցած շաբաթվա ընթացքում խոցվել է ավելի քան 2.3 հազար ԱԹՍ։

Անօդաչու թռչող սարքերի հարձակումների պատճառով ռուսական օդանավակայանները պարբերաբար դադարեցնում են իրենց գործունեությունը։ Բացի այդ, անվտանգության նկատառումներով Ռուսաստանի մի շարք շրջաններում ԱԹՍ-ների հարձակումների պատճառով ժամանակավորապես անջատվել է բջջային ինտերնետը։