«Ռուսաստանն ու Ադրբեջանը մնում են դաշնակիցներ և գործընկերներ»․ Պուտին

ՌԴ նախագահ Վլադիմիր Պուտինը շնորհավորական ուղերձ է հղել Ադրբեջանի նախագահ Իլհամ Ալիևին՝ ազգային տոնի՝ Անկախության օրվա կապակցությամբ:

«Ադրբեջանը վստահորեն առաջ է շարժվում սոցիալ-տնտեսական զարգացման ճանապարհով և միջազգային ասպարեզում աճող հեղինակություն ունի։ Ռուսաստանի և Ադրբեջանի միջև հարաբերությունները բարեկամական և դաշնակցային բնույթ են կրում»,- նշել է ՌԴ նախագահը։

Պուտինը վստահություն է հայտնել «միջազգային հարցերում կառուցողական երկկողմ համագործակցության և գործընկերության հետագա ամրապնդման» հարցում, որը, նրա խոսքով, «բխում է երկու ժողովուրդների շահերից և նպաստում Հարավային Կովկասում ու Կասպյան տարածաշրջանում կայունության և անվտանգության ամրապնդմանը»։