«Մենք դիմադրում ենք պուտինիզացիային»․ Ժան-Նոել Բարո

Մենք պատերազմի մեջ չենք ո՛չ Ռուսաստանի, ո՛չ ռուս ժողովրդի դեմ, սակայն դիմադրում ենք պուտինիզացիային։ Այս մասին հայտնել է Ֆրանսիայի ԱԳ նախարար Ժան-Նոել Բարոն՝ ՀՀ ԱԳ նախարար Արարատ Միրզոյանի հետ ասուլիսում անդրադառնալով ՌԴ-ի և Ֆրանսիայի միջև անհամաձայնությունների մասին հարցին։

«Մենք՝ Եվրոպան, դեմ ենք ուժի միջոցով եվրոպական մայրացամաքի վրա սահմանների վերագծմանը։ Մենք դիմադրում ենք դրան։ Այդ դիմադրությունը դրսևորվում է Ուկրաինայի ինքնիշխանությանը, անկախությանը, տարածքային ամբողջականությանը և Ռուսաստանի ռազմական ագրեսիան զսպելու ջանքերին մեր աջակցությամբ»,- ասել է Ֆրանսիայի ԱԳ նախարարը՝ նշելով, որ Եվրոպան որևէ տարածքային պահանջ չունի Ռուսաստանի նկատմամբ։

«Մեր դիմադրությունը շարունակվելու է նաև ՌԴ-ի դեմ ավելի ծանր պատժամիջոցներ սահմանելու միջոցով, որպեսզի ի վերջո խաղաղություն հաստատվի»,- եզրափակել է Բարոն։