«Պուտինը կընդունի Թուրքիայի ԱԳ նախարարին»․ Պեսկով

Ռուսաստանի նախագահ Վլադիմիր Պուտինը կընդունի Թուրքիայի արտաքին գործերի նախարար Հաքան Ֆիդանին, ով աշխատանքային այցով ժամանել է Մոսկվա, լրագրողներին հայտնել է ՌԴ նախագահի մամուլի քարտուղար Դմիտրի Պեսկովը։ Նրա խոսքով՝ զրույցի թեմաներից մեկը կլինի ուկրաինական կարգավորումը։ «Զրույցի գլխավոր թեման կլինի երկկողմ հարաբերությունների քննարկումը։ Բայց, իհարկե, ուկրաինական հարցի վերաբերյալ կարծիքների փոխանակումը նույնպես պարտադիր կլինի»,- հավելել է Կրեմլի խոսնակը։