Գազայի դպրոցին հասցված հարվածից 25 մարդ է զոհվել

Գազայի հատվածում դպրոցի շենքին Իսրայելի կողմից հասցված հարվածի հետևանքով 25 մարդ է զոհվել, հաղորդում է «Al Jazeera»-ն։

Դպրոցի շենքում ապրում էին տեղահանված անձինք։

«Գազա քաղաքի Դարաջի շրջանում գտնվող՝ փախստականներով բնակեցված դպրոցին Իսրայելի հարվածի հետևանքով երկուշաբթի առավոտյան զոհվել է 25 պաղեստինցի»,- հաղորդում է հեռուստաալիքի թղթակիցը։

Լրատվամիջոցը, հղում կատարելով պաղեստինցի բժիշկների տվյալներին, հայտնել է, որ մահացածների թվում վեց երեխա կա։

Գազայի հատվածի առողջապահության նախարարության տվյալներով՝ մարտի 18-ից, երբ Իսրայելը վերսկսել է հրետակոծությունները, Գազայում զոհվել է ավելի քան 3700 մարդ, վիրավորվել՝ ավելի քան 10700-ը։