Ֆիլիպ Կիրկորովը հոսպիտալացվել է

1459

Ուրբաթ, 23 մայիսի, 2025 թ., 16:16

Մոսկվայում հոսպիտալացվել է Ֆիլիպ Կիրկորովը, նա գտնվում է մասնավոր կլինիկայի շտապ վիրաբուժության բաժանմունքում. էստրադային երգիչը բարդություններ է ունեցել Սանկտ Պետերբուրգում կայացած համերգի ժամանակ այրվածք ստանալուց հետո։

Mash-ի հաղորդմամբ՝ պլաստիկ վիրաբույժ Թիմուր Խայդարովը հայտնել է, որ այրվածքի ապաքինման գործընթացը ձգձգվել է, և բարդություններ են առաջացել շաքարային դիաբետի պատճառով։ Այժմ բժիշկները պայքարում են երգչի առողջության համար։ Կիրկորովն արդեն երկու շաբաթ է, ինչ հիվանդանոցում է։

Ապրիլի 25-ին Սանկտ Պետերբուրգի «Օկտյաբրսկի» համերգասրահում կայացած համերգի ժամանակ երգչի մեջքից, ըստ պլանավորված սցենարի, հրավառություն պետք է իրականացվեր, բայց ինչ-որ բան սխալ էր ընթացել, և երգիչը այրվածքներ էր ստացել։