«Հաջորդ բանակցությունների անցկացման վայրը դեռ հայտնի չէ»․ Պեսկով

Մոսկվան և Կիևը դեռևս չեն համաձայնեցրել բանակցությունների հաջորդ փուլի անցկացման վայրը։ Այս մասին ՏԱՍՍ-ի հարցին ի պատասխան հայտնել է Ռուսաստանի նախագահի մամուլի քարտուղար Դմիտրի Պեսկովը։

«Ոչ, հաջորդ բանակցությունների անցկացման վայրի վերաբերյալ դեռևս որոշումներ կամ համաձայնություններ չկան։ Իհարկե, այս որոշումը չի կարող կայացնել միայն կողմերից մեկը։ Դրա համար անհրաժեշտ է երկու կողմերի համաձայնությունը։ Երբ ժամանակը գա, որոշումը, բնականաբար, կկայացվի», - ասել է Կրեմլի խոսնակը։