Իսրայելում հանդիպել են Կացն ու Հասանովը

Իսրայելի պաշտպանության նախարար Իսրայել Կացն այսօր Թել Ավիվում հանդիպել է իր ադրբեջանցի գործընկեր Զաքիր Հասանովի հետ, ասվում է Իսրայելի պաշտպանության նախարարության հայտարարության մեջ։

Հանդիպման ընթացքում Կացը բարձր է գնահատել երկու երկրների միջև խորը ռազմավարական դաշինքը: Նա անդրադարձել է նաև Եվրոտեսիլում Ադրբեջանի քվեարկության արդյունքներին (Իսրայելն Ադրբեջանից ստացել էր առավելագույն միավորներ)՝ դա անվանելով երկու պետությունների և ժողովուրդների միջև բարեկամության նշան։

Կողմերը համաձայնության են եկել ընդլայնել համագործակցությունը պաշտպանության ոլորտում։