«Հարձակումները բոլոր կողմերից են՝ թե՛ իշխանական, թե՛ ոչ իշխանական»․ Էդմոն Մարուքյան

Ինչպես հայտնի է, պատգամավորներ Հովիկ Աղազարյանն ու Հակոբ Ասլանյանը վարչապետի թեկնածու են առաջադրել «Լուսավոր Հայաստան» կուսակցության նախագահ Էդմոն Մարուքյանին: Աղազարյանն ավելի վաղ հայտնել էր, որ ինքն ու Ասլանյանը պատրաստվում են Նիկոլ Փաշինյանի նկատմամբ իմպիչմենթի գործընթաց սկսել խորհրդարանում։

Ֆեյսբուքյան եթերում Էդմոն Մարուքյանն անդրադառնալով հասարակական, քաղաքական շրջանակներում արձագանքներին՝ ասել է․ «Մեկնարկի պահից սկսած՝ ակտիվ, այլանդակ հակաքարոզչություն է սկսվել, որը սպասում էի, գիտեի՝ ինչի մեջ եմ մտնում ու հարձակումները բոլոր կողմերից են՝ թե՛ իշխանական, թե՛ ոչ իշխանական։ Ոչ ոք չէր մտնում պրոցեսի մեջ, ու հիմա ինչ–որ բաներ են ասում։ Սկսվել է հարձակում՝ առաջադրող պատգամավորների վրա՝ «արա լավ, լո՞ւրջ եք ասում, բան», հա, ահավոր լուրջ է, որովհետև երեք օր է՝ խառնվել եք իրար։ Հետո թեկնածուի վրա են հարձակվում՝ «ինչո՞ւ պետք է նա լիներ» և այլն»։

Մանրամասները՝ տեսանյութում։