Զելենսկին կմասնակցի Հռոմի պապի երդմնակալության արարողությանը
 Ուկրաինայի նախագահ Վլադիմիր Զելենսկին կիրակի կմասնակցի նորընտիր Հռոմի պապ Լևոն 14-րդի երդմնակալության արարողությանը՝ աշխարհի բազմաթիվ այլ առաջնորդների հետ։ Այս մասին հաղորդում է Reuters-ը՝ հղում անելով Վատիկանի աղբյուրներին։ ԱՄՆ-ի կողմից արարողությանը կմասնակցեն պետքարտուղար Մարկո Ռուբիոն և փոխնախագահ Ջեյ Դի Վենսը։ Ընտ աղբյուրի՝ Ռուբիոն հայտնել է, որ շաբաթ օրը կարդինալ Մատեո Զուպպիի հետ կքննարկի Ուկրաինայում պատերազմը դադարեցնելու ջանքերը: Զուպպին հանգուցյալ Հռոմի պապ Ֆրանցիսկոսի բանագնացն էր ռուս-ուկրաինական հակամարտության հարցերով։ Ռուբիոն կարծիք է հայտնել, որ Վատիկանը կարող է դառնալ երկխոսությունը խթանող հարթակ։ «Դա անկասկած այն վայրն է, որտեղ, կարծում եմ, երկու կողմերն էլ իրենց հարմարավետ կզգան», - լրագրողներին ասել է Ռուբիոն։ Կիրակի Սուրբ Պետրոսի հրապարակում մատուցվող պատարագին և Հռոմի պապի երդմնակալության արարողությանը կմասնակցեն Իսրայելի, Պերուի և Նիգերիայի նախագահները, Իտալիայի, Կանադայի և Ավստրալիայի վարչապետները, Գերմանիայի կանցլեր Ֆրիդրիխ Մերցը և Եվրոհանձնաժողովի նախագահ Ուրսուլա ֆոն դեր Լայենը։ Ներկա կլինեն նաև բազմաթիվ եվրոպական թագավորական ընտանիքի անդամներ, այդ թվում՝ Իսպանիայի թագավոր Ֆիլիպը և թագուհի Լետիցիան։ Ռուսաստանը կներկայացնի մշակույթի նախարար Օլգա Լյուբիմովան։ |
«Սրա մասին խոսի, ոչ թե «ռուս պուտա**եքի»»․ Գագիկ Համբարյան (տեսանյութ)
6610:54
«Երբ հերթական պաշտոնյան խոսում է խցանումներից, հիշեցնում եմ պատճառները»․ Ավետիք Քերոբյան
8610:42
«Արդեն մի քանի օր է՝ այրվում է Դիլիջանի աղբավայրը»․ Ոսկան Սարգսյան
6810:24
«Սա կտտանք է անձի նկատմամբ, ով հանցանք չի կատարել»․ Տիգրան Աբրահամյան
7110:00
Առանձին շրջաններում սպասվում են կարճատև անձրև և ամպրոպ, հնարավոր է՝ կարկուտ (լուսանկար)
10407:18
«Արցախի չափ մի քարքարոտ կղզու մասին 143 տարի անց անգամ հիշում են արգենտինացիները». Արամ Գևորգյան
12402:00