«Ջրծաղիկի դեմ պատվաստանյութի վերաբերյալ ապատեղեկատվություն է տարածվել»․ ՀՎԿԱԿ

Հիվանդությունների վերահսկման և կանխարգելման ազգային կենտրոնը հայտարարություն է տարածել․ «Սոցիալական ցանցի օգտատերից մեկը ապատեղեկատվություն է տարածել ջրծաղիկի դեմ պատվաստանյութի վերաբերյալ։
Հայաստանի Հանրապետությունում այս պահին առկա է ջրծաղիկի դեմ երկու արտադրողի կողմից արտադրված պատվաստանյութ: Մեկը Վարիցելլա (VARICELL VACCINE) անվամբ՝ չինական Սինովակ (SINOVAC) ընկերության կողմից արտադրված պատվաստանյութն է, որի կիրառման հրամանը հաստատվել է 30.01.2025 թվականին, մյուսը՝ Բարիցելա (BARYCELA) անվամբ՝ կորեական GC Biopharma ընկերության կողմից է արտադրված, որի կիրառման հրամանը հաստատվել է 07.05.2025 թվականին։
Օգտատերն իր նյութում տեղադրել է Բարիցելա (BARYCELA) անվամբ պատվաստանյութի հրամանը, իսկ նկարում Վարիցելլա (VARICELL VACCINE) անվամբ պատվաստանյութի տուփը:
Առողջապահության նախարարությունը հորդորում է չճշտված տեղեկատվություն չտարածե՛լ և ոչ հավաստի տեղեկատվության պատճառով բնակչության շրջանում անհիմն մտահոգությունների տեղիք չտալ»: