«Առողջության պարտադիր ապահովագրության ներդրումը տապալված է». Անուշ Պողոսյան

«Առողջության իրավունք» ՀԿ համահիմնադիր Անուշ Պողոսյանի ֆեյսբուքյան գրառումը․ «ՀՀ ԿԱՌԱՎԱՐՈՒԹՅԱՆ ՏԱՊԱԼՎԱԾ ԾՐԱԳԻՐ
ՄԱՍ 1
Առողջության պարտադիր ապահովագրության ներդրում
2023թ փետրվարի 2-ին ՀՀ կառավարության կողմից հաստատվել է «Առողջության համապարփակ ապահովագրության ներդրման հայեցակարգը հաստատելու մասին» N 133-Լ որոշումը, որում հստակ ամրագրված է Առողջության Համապարփակ Ապահովագրության ներդրման ժամանակացույցը և փուլերը: Ապահովագրությունը պետք է ներդրվեր փուլային տարբերակով. առաջին տարին՝ 2023 թվականը՝ «նախապատրաստական փուլ»․ հաջորդ երեք տարիները՝ 2024-2026 թվականները՝ «փորձարկման փուլ», իսկ արդեն չորրորդ տարվանից՝ 2027 թվականից, ապահովագրությունը պետք է կիրարկվեր ամբողջությամբ: Սակայն դեռ «նախապատրաստական փուլը» մեկնարկված չէ։
Օրենքի նախագիծը մշակվել է ոչ պրոֆեսիոնալների կողմից, չի կատարվել օբեկտիվ գնագոյացման հաշվարկներ, չեն մշակվել նախարարության կողմից համապատասխան քանակի չափորոշիչներ՝ Անհրաժեշտ ենթաօրենսդրական իրավական ակտերի փաթեթը թերի է, մասնավորապես՝ բժշկական ծառայություններ համար անհրաժեշտ գործելակարգերն ու ուղեցույցները մշակվել և հաստատավել են մոտ 300 գործելակարգ, նշեմ, որ անհրաժեշտ է առնվազն 1200-1500 գործելակարգեր և ուղեցույցներ, որի արդյունքում նախագիծը բացասական գնահատականի է արժանացել համապատասխան գերատեսչությունների կողմից և հետաձգվել է:
ՇԱՐՈՒՆԱԿԵԼԻ․․․․․․․»: