«Նիկոլից հետո ուսուցիչները կստանան 300,000 դրամ դրույքաչափով աշխատավարձ». Նաիրի Հոխիկյան

Լրագրող Նաիրի Հոխիկյանի ֆեյսբուքյան գրառումը. «Նիկոլից հետո ուսուցիչները կստանան 300,000 դրամ դրույքաչափով աշխատավարձ․
Հայաստանի մոտ 1400 դպրոցներում այսօր աշխատում է 30 հազար ուսուցիչ, որոնց աշխատավարձը 119,000 դրամ է 1 դրույքի համար։ Որպես կանոն՝ ոչ բոլորն են հնարավորություն ստանում 1 դրույք աշխատանք ունենալ, և ուսուցիչների աշխատավարձը միջինը տատանվում է 60-70 հազար դրամի սահմաններում։
ՀՀ ԿԳՄՍՆ բյուջեն 2025-ին կազմում է 362,6 մլրդ դրամ, որից 132,7 մլրդ դրամը նախատեսված է հանրակրթության համար։ Այդ հսկայական գումարը ծախսվում է ամենատարբեր միջոցներով, հաճախ ԿԳՄՍ նախարարության բարձրագույն պաշտոնյաների պարգևավճարների կամ արտասահմանյան գործուղումների վրա, իսկ գիշեր-ցերեկ աշխատող ուուցիչներին տրվում է չնչին աշխատավարձ, ոմանց էլ ատեստավորման շնորհիվ աշխատավարձը հասցրել են 200,000-ի և ամեն օր երեսով են տալիս։
Արմատական փոփոխությունների դեպքում իրականում Հայաստանի դպրոցներում աշխատող յուրաքանչյուր ուսուցչի բազային աշխատավարձը կարող է լինել 300,000 դրամ, ինչը լրիվ համապատասխանում է պետական բյուջեի հնարավորություններին։ 30 հազար մանկավարժին 300,000 դրամ դրույքաչափով աշխատավարձի դեպքում դա կկազմի տարեկան 108 մլրդ դրամ, ինչը լիարժեք տեղավորվում է նույնիսկ ներկա բյուջետային հնարավորությունների մեջ։ Հաշվարկների մյուս մանրամասների մեջ չեմ խորանում, որովհետև դա ոչ բոլորին է հետաքրքրում։
Նիկոլ Փաշինյանի իշխանության հեռացումից հետո առաջին հերթին արմատական փոփոխություններ են կատարվելու Հայաստանի ուսուցիչներին արժանապատիվ վարձատրման ոլորտում։
Հայաստանում ամենաբարձր վարձատրվող 3 մասնագիտություններից մեկը լինելու է մանկավարժը, որովհետև հենց նրանից է կախված երկրի ապագան»: