Թանգարանում 5 տարեկան տղան կոտրել է 3,5 հազար տարվա խեցանոթ

Իսրայելի Հայֆա քաղաքի թանգարանում էքսկուրսիայի ժամանակ հնգամյա տղան պատահաբար կոտրել է 3,5 հազար տարեկան խեցանոթ:
Այս թանգարանը հայտնի է նրանով, որ հնագիտական իր ցուցանմուշները հասանելի է պահում այցելուների համար, ինչի պատճառով բազմաթիվ գտածոներ ցուցադրվում են առանց հատուկ պաշտպանության:
«Նման միջադեպերը ցավալի են, իհարկե, բայց դրանք տեղի են ունենում երբեմն: Մենք տղային և նրա ընտանիքի անդամներին կրկին հրավիրում ենք թանգարան էքսկուրսիայի, որը ինքներս կանցկացնենք: Կարևորն այն է, որ այս միջադեպը պատճառ չդառնա հետագայում թանգարան այլևս չայցելելու համար»,- հայտնել է թանգարանի տնօրենը:

Թանգարանը որևէ պահանջ չի չներկայացրել տղայի ընտանիքին: Կոտրված անոթը նախատեսվում է վերականգնել ու կրկին ցուցադրել թանգարանի ցուցասրահներում։