«Հավաքական առումով՝ Ալիևի բոլոր պահանջներն անուղղակիորեն իրականացնում է հայ ժողովուրդը»․ Դավիթ Սարգսյան

Լրագրող Դավիթ Սարգսյանի ֆեյսբուքյան գրառումը․ «Կկարողանա՞ պարագլուխը դենացիֆիկացնել Հայաստանը՝ կորոշեն հայոց պատմության դպրոցական ուսուցիչները։
Կկարողանա՞ նա ապառազմականացնել Հայաստանը՝ կորոշի ԶՈՒ ԳՇ սպայակույտը։
Կկարողանա՞ նա արցախյան տարրը տեղահան անել նաև Հայաստանից՝ կորոշեն բռնագաղթած արցախցիները։
Ի զորու կլինի՞ հանձնել նոր գյուղեր Տավուշից և Արարատից՝ կորոշեն այդ գյուղերի բնակիչները։
Հավաքական առումով՝ Ալիևի բոլոր պահանջներն անուղղակիորեն իրականացնում է հայ ժողովուրդը։ Քանի դեռ հարյուր հազարավորներից ամեն մեկը, թեկուզ ընդդիմադիր էլիտաների ճգնաժամի պայմաններում, անհատական պատասխանատվություն չի զգում իր անգործության և կամ վարչախմբին որևէ կերպ ծառայելու համար, պարագլուխը հանձնելու է ամեն ինչ»։