Բայդենը փորձում է միջոց գտնել TikTok-ի ամբողջական արգելափակումից խուսափելու համար․ #NBC

ԱՄՆ-ի նախագահ Ջո Բայդենի վարչակազմը փորձում է միջոց գտնել՝ խուսափելու ԱՄՆ-ի բնակիչների համար TikTok սոցիալական ցանցի արգելափակումից, որի մասին օրենքը ուժի մեջ կմտնի հունվարի19-ից։ Այս մասին հայտնում է NBC հեռուստաալիքը։

«Ամերիկացիները չպետք է վախենան, որ TikTok-ը հանկարծ կարգելափակվի կիրակի օրը»,- ասել է Բայդենի վարչակազմի անանուն պաշտոնյան՝ հավելելով, որ իրենք միջոցներ են փնտրում, թե ինչպես կիրառել արգելքը՝ առանց սոցիալական մեդիայի հարթակն ամբողջությամբ փակելու։

Հիշեցնենք, որ հունվարի 19-ից ԱՄՆ-ում ուժի մեջ կմտնի TikTok-ի արգելքը, քանի որ չինական ByteDance ընկերությունը, որին պատկանում է այն, չի վաճառել սոցիալական ցանցը նոր սեփականատերերին։ Արգելքը տեսականորեն կարող է վիճարկվել Գերագույն դատարանի կողմից մինչ այդ ամսաթիվը: