«Հաջորդ շաբաթ սահմանային անվտանգության հատուկ թիմ է Հայաստան մեկնելու». Էնթոնի Բլինքեն

Ինչպես հայտնել ենք, ԱՄՆ-ում Արարատ Միրզոյանը և Էնթոնի Բլինքենն ստորագրեցին ՀՀ-ի և ԱՄՆ-ի միջև ռազմավարական գործընկերության մասին կանոնադրությունը։ «Հաջորդ շաբաթ սահմանային անվտանգության հատուկ թիմ է Հայաստան մեկնելու՝ համատեղ սահմանային անվտանգության ուղղությամբ աշխատանք իրականացնելու համար, ամրապնդելու ենք անվտանգության ուղղությամբ համապատասխան աշխատանքը»,- հաջորդիվ կայացած մամլո ասուլիսի ժամանակ հայտարարեց ԱՄՆ-ի պետքարտուղար Էնթոնի Բլինքենը՝ հավելելով, որ կշարունակվի նաև Eagle Partner ձևաչափի շրջանակում համագործակցությունը: