«Ներարկումային կոսմետոլոգիական կենտրոնների վերահսկողությունը բարձիթողի վիճակում է». լրագրողը՝ Անահիտ Ավանեսյանին

Ընթացող ասուլիսի ժամանակ լրագրողները հարց բարձրացրին Երևանի տարբեր հատվածներում ներարկումային կոսմետոլոգիական կենտրոնների՝ բարձիթողի վիճակում գտնվող վերահսկողության վերաբերյալ: Ինչպե՞ս է լիցենզիա տրամադրվում, ինչպե՞ս է վերահսկողությունն իրականացվում: «Բազմաթիվ դեպքեր ունենք, երբ կենտրոնը դիմում է, բայց չի ստանում, որովհետև չի համապատասխանում պահանջներին: Բայց այլ տեղում ունենք անելիքներ, որոնք մեկնարկել են ու առաջիկայում կամփոփենք: Մենք փոխեցինք օրենքն ու այսուհետ բժշկական կազմակերպությունները լիցենզավորվելու են ամեն հինգ տարին մեկ: Հաջորդը՝ լիցենզավորման կանոնների վերանայումն է բոլոր ոլորտներում՝ թե՛ վիրաբուժական, թե՛ ամբուլատոր, թե՛ կոսմետոլոգիական: Պահանջները խստացվելու են»,- ասաց նախարար Անահիտ Ավանեսյանը՝ հավելելով, որ խնդիրներ հայտնաբերվելու դեպքում լիցենզիաները կասեցվում են: