«Ժամանակն է, որ Նիկոլ Փաշինյանը մի սմս էլ Ավինյանին ուղարկի»․ Նարինե Մկրտչյան

Մամուլի ազգային ակումբի նախագահ Նարինե Մկրտչյանի ֆեյսբուքյան գրառումը․ ««Ֆակտոր»-ով երեկ հեռարձակված բանավեճը Հայկ Մարությանի և Տիգրան Ավինյանի միջև միայն այսօր կարողացա դիտել։ Բանավեճի միանշանակ հաղթողը Մարությանն էր, որն անսպասելիորեն փաստարկված, պատրաստված և հիմնավոր արձանագրումներ էր անում։
Քաղաքապետի պաշտոնում Մարությանի ընտրությանը խիստ վերապահ եմ մոտեցել (նրա պաշտոնավարման օրոք մեր չարաբաստիկ հարևանը սկսեց և ավարտեց իր եռահարկ տան ապօրինի շինարարությունը՝ չնայած իմ բազմաթիվ բողոքներին), բայց Նիկոլը Հայկոյին պաշտոնանկ արեց այն ժամանակ, երբ նա սկսել էր բավականին արդյունավետ աշխատել։
Ավինյանի թե՛ կառավարչական, թե՛ անձնային բացասական հատկություններն ավելի ցցուն և ակնհայտ էին այս բանավեճի ընթացքում՝ իրավիճակից անտեղյակություն, քամահարանք մրցակցի հանդեպ, ինքնասիրահարվածություն, որպես քաղաքապետ առավելություն ունենալու ձգտում և որ ամենավատն է՝ քամահրանք երևանցիների հանդեպ և ատելություն մամուլի հանդեպ։ Հենց այդպես էլ քաղաքային իշխանությունը կառավարում է՝ 7 մլն 650 հազար դրամանոց բիզնես կարգի ավիատոմս գնելով՝ հանրային տրանսպորտը թանկացնող Տիգրան Ավինյանը ԱՄՆ է մեկնում։
2025թ․ առաջին պաշտոնանկություններից մեկը պետք է լինի Երևանի քաղաքապետի պաշտոնանկությունը։ Ժամանակն է, որ Նիկոլ Փաշինյանը մի sms էլ ուղարկի Ավինյանի բջջային հեռախոսին։
Միացել եմ Հայկ Մարությանի՝ տրանսպորտի թանկացման ստորագրահավաքին, կմիանամ նաև տրասնպորտի թանկացման բոյկոտին՝ վճարելով միայն 100 դրամ»։