Կադրեր՝ գեներալ Կիրիլովի սպանության վայրից

Հայտնել էինք, որ Մոսկվայի Ռյազանսկի պողոտայում պայթյունի հետևանքով զոհվել է ՌԴ ԶՈՒ ճառագայթային, քիմիական, կենսաբանական պաշտպանության զորքերի պետ, գեներալ-լեյտենանտ Իգոր Կիրիլովը:

Ռուսական լրատվամիջոցների փոխանցմամբ նա առավոտյան աշխատանքի էր գնում, երբ պայթել է մուտքի մոտ տեղադրված ինքնագնացը, որի վրա պայթուցիկ է եղել տեղադրված:
Համացանցում կադրեր են հայտնվել գեներալ Կիրիլովի սպանության վայրից՝ պայթյունի պահին։
«Նա սպանվել է Ուկրաինայի անվտանգության ծառայության կողմից»,- այս մասին, Reuters-ի փոխանցմամբ՝ UNIAN-ին հայտնել են ուկրաինական հատուկ ծառայությունների սեփական աղբյուրները։
«Կիրիլովը պատերազմական հանցագործ էր և միանգամայն օրինական թիրախ, քանի որ նա հրահանգներ էր տվել արգելված քիմիական զենք օգտագործել ուկրաինացի զինվորականների դեմ ․․․ Պատերազմական հանցագործությունների համար հատուցումն անխուսափելի է»,- ասել է ուկրաինական հատուկ ծառայությունների իրազեկ աղբյուրը։
Միաժամանակ ՌԴ Քննչական կոմիտեն գեներալ-լեյտենանտ Իգոր Կիրիլովի մահը որակել է որպես ահաբեկչություն։ Այս մասին Տասսի փոխանցմամբ՝ հայտնել էր գերատեսչության պաշտոնական ներկայացուցիչ Սվետլանա Պետրենկոն։