«Սատանան Նիկոլի միջոցով փորձում է հայից գողանալ ապրելու, վերածնվելու սիմվոլը՝ Արարատը»․ Էդուարդ Շարմազանով
171
Երկուշաբթի, 02 դեկտեմբերի, 2024 թ., 23:24
ՀՀԿ ԳՄ անդամ Էդուարդ Շարմազանովի ֆեյսբուքյան գրառումը․ «Հայն առանց Արարատի այլևս Հայ չէ, ինչպես հրեան՝ առանց Սիոնի։ Այս պայքարը շատ ավելի խորքարին ու արժեքային է։ Քչերս ենք հասկանում ի՞նչ տեղի ունեցավ 2018-ին, ո՞ւմ դեմ էր այն ուղղված ու ի՞նչ է տեղի ունենում այսօր։ Մենք՝ հանրապետականներս, 2018-ի իշխանազավթումը որակեցինք հակապետական ու հակազգային։ Ու այն ինչ տեղի է ունենում մեր հայրենիքում վերջին տարիներին ունի շատ ավելի խորքային ու արժեքային «բովանդակություն»։ Նիկոլիստներին իշխանության բերելու իրական նպատակը հայկականության արժեքների վերացումն է։ Ու ցավն էլ հենց այստեղ է, որ շատերը դա չեն էլ գիտակցել։ Սրանց բերել են Հայից ոգեղենն ու բարոյականը, գենետիկ ու պատմական հիշողությունը գողանալու համար։ Սրանք պատերազմ հայտարարեցին հայի բացարձակ արժեքների դեմ՝ Եկեղեցի, Ընտանիք, Արցախ, Բանակ, իսկ հիմա էլ՝ Արարատ ու Անկախության հռչակագիր։ Հայն առանց Արարատի այլևս Հայ չէ, ինչպես հրեան՝ առանց Սիոնի։ Արարատի խորհուրդն ամենևին 5165 մետր բարձրությունը չէ, Արարատի խորհուրդը՝ Նոյյան տապանն ու մարդկության վերածնունդն է։ Արարատի խորհուրդը Հայի ապրելու ու արարելու մեջ է։ Արարատի խորհուրդը Հայկի հաղթանակի մեջ է բելի նկատմամբ։ Արարատը կյանքի ու հավատի, այլ ոչ թե մահի խորհրդանիշ է։ Արարատը հայի համար հոգևոր, արժեքային ու գոյաբանական խորհուրդ ունի։ Արարատը հայի սրտում է նախ և առաջ։ Արարատն ամեն հայի սրբության սրբոցն է։ Ու հիմա սատանան Նիկոլի միջոցով փորձում է հայից գողանալ նրա ապրելու, վերածնվելու ու հոգևոր սիմվոլը՝ Արարատը։ Սա ուղղակի Հայից ազգային ոգին գողանալու օպերացիա է։ Ի՞նչ են ուզում հայության թշնամիները: Ասեմ. անջատել հայի պատմական ու գենետիկ հիշողությունը։ Իսկ ի՞նչ պետք է անել դրան հասնելու համար. հային անջատել իր ազգային գաղափարից ու սիմվոլից՝ Արարատից։ Այդ դեպքում նրանք գործ կունենան առանց ոգու էակների հետ՝ զուրկ պատմական հիշողությունից։ Չպետք է հուսահատվել ու դադարել պայքարը։ Դավիթը Գողիաթին հաղթել ու հաղթելու է։ Հ.Գ. «Անպետք են այն դասագրքերը, որտեղ Արարատ լեռան մասին խոսվում է այնպես, ինչպես Սահարայի անապատի մասին։ Գարեգին Նժդեհ»»։
