Պուտինը Շոլցի հետ զրույցում բացահայտել է Ուկրաինայի հետ հնարավոր համաձայնության պայմանները
 ՌԴ նախագահ Վլադիմիր Պուտինը Գերմանիայի կանցլեր Օլաֆ Շոլցի հետ զրույցում ներկայացրել է Ռուսաստանի դիրքորոշումն Ուկրաինայում կարգավորման վերաբերյալ, հաղորդում է Կրեմլի մամուլի ծառայությունը։ «Ռուսաստանի նախագահը նշել է, որ ռուսական կողմը երբեք չի հրաժարվել և բաց է մնում բանակցությունների վերսկսման համար, որոնք ընդհատվել էին Կիևի ռեժիմի կողմից։ Ռուսաստանի առաջարկները հայտնի են և ուրվագծվել են, մասնավորապես, հունիսին ՌԴ ԱԳՆ-ում ունեցած ելույթում», - ասվում է Կրեմլի տարածած հաղորդագրությունում։ Պուտինն ընդգծել է, որ հնարավոր պայմանավորվածությունները պետք է հաշվի առնեն Ռուսաստանի անվտանգության շահերը, հիմնված լինեն «տարածքային նոր իրողությունների» վրա և ամենակարևորը՝ վերացնեն հակամարտության բուն պատճառները։ Վլադիմիր Պուտինը՝ որպես հակամարտության պատճառն է անվանել «ՆԱՏՕ-ի երկարաժամկետ ագրեսիվ քաղաքականությունը, որն ուղղված է Ուկրաինայի տարածքում հակառուսական կամուրջ ստեղծելուն՝ անտեսելով մեր երկրի շահերը անվտանգության ոլորտում և ոտնահարելով ռուսալեզու բնակիչների իրավունքները»: Շոլցն ու Պուտինն իրենց զրույցում անդրադարձել են նաև Մերձավոր Արևելքում տիրող իրավիճակին։ ՌԴ նախագահը խոսել է լարվածության թուլացման և «տարածաշրջանում ճգնաժամի խաղաղ լուծումներ փնտրելու»՝ Մոսկվայի ջանքերի մասին։ Նախքան Պուտինին ուղղված զանգը Շոլցը կապ է հաստատել Ուկրաինայի նախագահ Վլադիմիր Զելենսկու հետ և մտադիր է եղել դա անել զրույցից հետո, հավելել է գերմանական կողմը: |
«Թալանը բազմապատկվել է, ուղղակի քողարկվում է հարկեր-տուրքերի անվան տակ»․ Սամսոն Գրիգորյան (լուսանկար)
4218:42
«Իլհամ Ալիևը նույնն հռետորաբանությունն է օգտագործում, ինչ Վլադիմիր Պուտինը»․ Էրիկ Հելսբորն
7318:01
«Ադրբեջանցիները երազում են Սևանի ափին թեյ խմելու մասին»․ Ոսկան Սարգսյան
6217:36
«Փաշինյանից այս փուլում գուցե չէր պահանջվում Ալիևին ասել՝ «ֆաշիստը դու ես»»․ Հակոբ Բադալյան
6717:18
«Նախկին նախագահների հետ ասոցացվող անձինք զբաղված են փոխադարձ ոչնչացմամբ»․ Դավիթ Անանյան
7217:00
«Հայ ժողովուրդը պետք է որոշում կայացնի՝ «նաղդը», թե՝ «նիսյան»»․ Վահան Բաբայան
8616:18