«Եթե խախտումներ հայտնաբերվեն, կդիտարկվի լիցենզիան դադարեցնելու հարցը»․ Անահիտ Ավանեսյան

««Արթկոսմեդ» էսթետիկ վիրաբուժության կենտրոնում եթե տեսչական մարմինը հայտնաբերի խախտումներ, ապա կդիտարկվի լիցենզիան դադարեցնելու հարցը»,-լրագրողների հետ զրույցում ասաց Առողջապահության նախարար Անահիտ Ավանեսյանը՝ պատասխանելով կենտրոնում պլաստիկ վիրահատությունների արդյունքում տեղի ունեցած մահվան դեպքերի վերաբերյալ հարցերին
«Մենք հետևողական ենք լինելու, որ պարզվի ամբողջական հանգամանքները. ինչո՞ւ է վրա հասել մահը, մահվան պատճառն ինչն է հանդիսացել և արդյո՞ք տեղի է ունեցել բժշկական սխալ և ինչպիսին և դրանից հետևությունները շատ խիստ են արվելու»,- ասաց առողջապահության նախարարը: