«Քոբայր, Հավուց Թառ, Մաթոսավանք, Ջուխտակ վանք... Երբ գնաս, մեջը կով է ու թրիք». Յաշա Սոլոմոնյան

Ճամփորդական ակումբի հիմնադիր Յաշա Սոլոմոնյանը ֆեյսբուքյան իր էջում գրել է. «Ասում եք՝ թուրքերը/ադրբեջանցիները պղծո՞ւմ են մեր սրբավայրերը, սարքում են գո՞մ, քանդո՞ւմ են։
Ասում եք՝ վրացիները մեր որոշ վանքեր ներկայացնում են որպես իրե՞նցը։
Արա էս չի՞ մեր պահածը։
Քոբայր, Հավուց Թառ, Մաթոսավանք, Ջուխտակ վանք... Ո՞րն ասեմ։ Երբ գնաս, մեջը կով ա ու թրիքի հոտ...
Էս ա։ Աշխարհիս դրվածքն ա։ Եթե մի բան իրոք քոնն ա, դու դա սիրում ես, դողում ես վրան։
Հողի վրա ապրում ես, հողը մշակում ես, շենացնում, եկեղեցում աղոթում ես, դպրոցում՝ սովորում...
Իսկ թե չես անում, ուրիշն ա դա անելու։
Էն ուրիշը, ում համար էս ամենն առավել մեծ արժեք ու նշանակություն ունի։
Էդ ա։
Աշխարհի դրվածքն ա դա՝ աշխարհի չափ հին ու աշխարհի չափ ակնհայտ»։