Իսրայելը մեկ ժամում հարվածել է «Հեզբոլլահ»-ի ավելի քան 120 օբյեկտի

Իսրայելական ռազմաօդային ուժերի 100 ինքնաթիռ մեկ ժամվա ընթացքում հարվածել է «Հեզբոլլահ»-ի՝ Լիբանանի հարավում գտնվող ավելի քան 120 օբյեկտի։ Այս մասին տեղեկացնում է Իսրայելի ռազմաօդային ուժերի թվիթերյան էջը:

Ինչպես հաղորդվում է, հարվածների թիրախում են եղել «Ռադվան» հատուկ նշանակության ջոկատի, հրթիռային ուժերի, հետախուզական վարչության օբյեկտները։

Նշվում է նաև, որ գործողությունը շարունակությունն է մի շարք հարվածների, որոնց նպատակն է թուլացնել «Հեզբոլլահ»-ի հրամանատարական, վերահսկման և կրակային կարողությունները և օգնել իսրայելական ցամաքային ուժերին՝ հասնելու իրենց օպերատիվ նպատակներին։