«Մտավախություն կա, որ բովանդակությունը թողած ձևի հետևից չընկնեք»․ Բաբկեն Թունյան
ԱԺ-ում քննարկվում է «Բնակչության բժշկական օգնության և սպասարկման մասին» օրենքում լրացումներ կատարելու նախագիծը։ Առաջարկվում է օրենքով նախատեսել բուժաշխատողների համար պարտադիր համարվող ՇՄԶ դասընթացներ, որոնց ցանկը, անհրաժեշտությունից ելնելով, կսահմանվի ՀՀ կառավարության կողմից: Պարտադիր համարվող դասընթացների սահմանումը վերապահվել է Կառավարությանը, որը, կախված կոնկրետ ժամանակահատվածից և իրադրությունից՝ կսահմանի բուժաշխատողների համար պարտադիր ՇՄԶ դասընթացների ցանկ: Հարկ է նշել, որ նշված ցանկում ներառված դասընթացները կարող են կազմակերպվել ինչպես պետական նպատակային ծրագրերի շրջանակներում, այնպես էլ վճարովի հիմունքներով: Նախագծով առաջարկվում է նաև օտարերկրյա և միջազգային կազմակերպությունների կողմից իրականացվող շարունակական մասնագիտական զարգացումն ապահովող միջոցառումների մասնակցության համար սահմանել փոխհատուցման կարգ և փոխհատուցման ենթակա դեպքեր, որի հաստատման լիազորությունը վերապահված է Կառավարությանը: «Նպատակը որակյալ բժշկական սպասարկում ունենալն է։ Սակայն իմ մտավախությունն այն է, որ բովանդակությունը թողած ձևի հետևից չընկնեք»,- ասաց «Քաղաքացիական պայմանագիր» խմբակցության պատգամավոր Բաբկեն Թունյանը։ «Բժշկական համայնքի ներկայացուցիչներն ասում են, որ ՇՄԶ գործող կարգն արհեստական է և ոչինչ չտվող, մարդը կարող է այդ կրեդիտները ստանալու համար ինչ-որ բաներ անի, բայց իրականում ոչինչ չսովորի։ Լավ է, որ տեստավորման տարբերակով գիտելիքների ստուգման հնարավորություն կա։ Շատ կարևոր է, որ պետության կողմից հավաստագիր ստացած բժիշկը իրոք համապատասխանի մասնագիտական պահանջներին»,-ասաց Թունյանը։ |
Նարեկն, ում մահվան լուրից հետո սրտի զարկերը վերականգնվեցին, մի քանի օրից տուն կգնա (տեսանյութ)
124Երեկ, 23:06Սահմանվել են հանգուցյալից փոխպատվաստման նպատակով վերցվող օրգանների կամ հյուսվածքների ցանկերը
81Երեկ, 22:54Տատի մահվան լուրն իմանալուց հետո թոռը հարձակվել է բժշկի վրա
14314.09.2024, 17:42ՀՀ-ում Արևմտյան Նեղոսի տենդից մահացածների թիվը հասել է 4-ի (լուսանկար)
13113.09.2024, 18:00Կասեցվել է մարինացված պահածոների արտադրամասի գործունեությունը
18510.09.2024, 20:36Այսուհետ կփոխհատուցվի ծննդօգնության ժամանակ էպիդուրալ անզգայացման արժեքը
18010.09.2024, 19:42